काठमाडौं । पछिल्लो एक सातामा काउली (बन्दा)को मूल्य बढेको छ । कालीमाटी फलफूल तथा तरकारी बजार विकास समितिका अनुसार एक साताको अवधिमा स्थानीय काउलीको मूल्य ४२ प्रतिशतले, स्थानीय काउली ज्यापु ४४ प्रतिशतले मूल्य बढेको छ । यस्तै, बन्दा लोकल ८ प्रतिशतले र बन्दा नरिवल २० प्रतिशतले मूल्य बढेको समितिले जनाएको छ ।
समितिका अनुसार एक साताअघि स्थानीय काउलीको औसत मूल्य प्रतिकिलो ३५ रुपैयाँ रहेकोमा आज ५० रुपैयाँ पुगेको छ । गत साता प्रतिकिलो ४५ रुपैयाँ औसत मूल्य रहेको ज्यापु काउलीको भाउ आज ६५ रुपैयाँ पुगेको छ । गत साता प्रतिकिलो ३२ रुपैयाँ औसत मूल्य रहेको बन्दा आज ३५ रुपैयाँ पुगेको छ ।
