काठमाडौं । सोमवार नेपाल स्टक एक्सचेन्जमा ग्लोबल आइएमई बैंक लिमिटेडको बोनस शेयर सूचीकृत भएको छ ।
कम्पनीको ३५ लाख ७७ हजार १०५ दशमलव ९६ कित्ता बोनस शेयर सूचीकृत भएको हो । अव यो बोनस शेयर सम्बन्धीत शेयरधनीको हितग्राही खातामा आएपछि कारोबार गर्न सक्नेछन् ।
कम्पनीले गत मङ्सिर २८ गते सम्पन्न वार्षिक साधारण सभाबाट पारित १ प्रतिशत बोनस शेयर सूचीकृत गराएको हो । सो सभाले ८ प्रतिशत नगद लाभांश वितरण गर्ने प्रस्ताव पनि पारित गरेको थियो ।
