काठमाण्डौ – म्याग्दीको कालीगण्डकी ‘करिडोर’ बेनी–जोमसोम–कोरला सडकअन्तर्गत मुस्ताङको लोमान्थाङ गाउँपालिकामा रहेको लोमान्थाङ खोलामा पक्की पुल बनेको छ । बेनी–जोमसोम–कोरला सडक आयोजनामार्फत लोमान्थाङ खोलामा मोटर चल्ने पुल बनेको हो ।
पुल बनेपछि भएपछि बाह्रै महिना गाडी सञ्चालन गर्न सहज भएको छ । चार करोड ६८ लाख रुपैयाँको लागतमा पुल बनाएर हस्तान्तरण गरिएको आयोजनाका सूचना अधिकारी इन्जिनियर विष्णु चापागाईँले बताउनुभयो ।
इन्जिनियर चापागाईँका अनुसार दुई सय दुई किलोमिटर दूरीको बेनी–जोमसोम कोरला सडकमा अहिलेसम्म लोमान्थाङ खोलासहित थप ६ वटा गाडी चल्ने सडक पुल बनिसकेका छन् ।
