काठमाडौं– ईसेवा मनि ट्रान्सफरले सञ्चालन गरेको मेरो डिजिटल देश अभियान अन्तर्गत विदेशबाट इसेवा वालेटमा पैसा पठाउँदा काठमाडैंमा जित्ने घर (बम्पर उपहार) सार्वजनिक गरेको छ । २०८० असोज १ गतेबाट सुरु गरिएको यो योजना २०८१ कात्तिक ३० सम्म थप गरिएको छ । ईसेवा मनि ट्रान्सफरले २ वर्ष अघि डिजिटल कारोबार प्रवद्र्धन र प्रोत्साहन गर्ने उद्देश्यका साथ मेरो डिजिटल देश अभियानको सुरुवात गरेको थियो ।
नेपाल सरकारको ‘डिजिटल नेपाल’ को अवधारणालाई मुर्त रुप दिन सहयोग गर्ने, परम्परागत शैलीको विप्रेषण कारोबार तथा नगद प्रकृतिको कारोबारलाई डिजिटलिकरणमा रुपान्तरणका लागि यो अभियान सुरु गरिएको बताइएको छ । जस अन्तर्गत पूर्णबहादुर श्रेष्ठ पहिलो वर्षको विजेता भई काठमाडौंमा घर जित्न सफल भएका थिए । अभियानले विदेशमा रहेका नेपालीहरुमा डिजिटल साक्षरता र सशक्तिकरणको प्रवर्द्धनमा उल्लेखनीय भूमिका खेलेको तथ्यलाई मध्यनजर गर्दै पुनः एक पटक ईसेवा मनि ट्रान्सफरले १० महिना अघि अभियानलाई निरन्तरता दिइएको बताइएको छ ।
कम्पनीले हालै मात्र यस अभियानमा विजेता बन्ने सेवाग्राहीलाई प्रदान गरिने घर सार्वजनिक गरेको छ । विदेशबाट इच्छाएको व्यक्तिको इसेवा वालेटमा रकम पठाउने व्यक्तिमध्येबाट गोला प्रथाद्वारा एक जनालाई कम्पनीले ललितपुरमहानगरपालिका–३ इमाडोलमा करिब ३ आना क्षेत्रफलमा बनेको साढे दुई तल्लाको घर प्रदान गर्ने कम्पनीको भनाइ छ ।
